வெடுக்குநாறி மலை வழக்கு 8 பேரும் விடுதலை வழக்கும் தள்ளுபடி

வவுனியா வெடுக்குநாறி மலை வழக்கில் கைதுசெய்யப்பட்ட எட்டுப் பேரும் நீதிமன்றால் விடுவிக்கப்பட்டுள்ளதுடன், வழக்கும் தள்ளுபடி செய்யப்பட்டது.

வவுனியா வடக்கு, வெடுக்குநாறிமலை ஆதிசிவன் ஆலயத்தில் கடந்த சிவராத்திரி தினத்தன்று கைதுசெய்யப்பட்ட ஆலயபூசகர் உள்ளிட்ட 8 பேரையும் நேற்று 19 ஆம் திகதி வரை விளக்கமறியலில் வைக்க வவுனியா நீதிமன்று உத்தரவு பிறப்பித்திருந்தது.

இதனையடுத்து அவர்கள் வவுனியா விளக்கமறியல் சிறைச்சாலையில் அடைக்கப்பட்டனர்.இந்நிலையில் அது தொடர்பான வழக்கு நேற்றைய தினம் நீதிமன்றில் மீண்டும் எடுத்துக்கொள்ளப்பட்டது.

நீதவான் பிணை வழங்குவதற்கான அதிகாரத்தை வழங்காத விதத்தில் , தொல்பொருட்கள் கட்டளைச் சட்டத்தின் 15C பிரிவைச் சேர்த்ததே அவர்கள் 8 பேரும் விளக்கமறியலில் வைக்கப்படுவதற்குக் காரணமானது. ஆனால் உண்மையில் ஏற்கனவே ஒரு இடைக்கால உத்தரவு (பூஜை வழிபாடு செய்யலாம்)உள்ளது, அது இன்னும் செல்லுபடியாகும் மற்றும் நடைமுறையில் உள்ளது.

வழக்கு எண்.பி 540/2023 ஆனது ஆதிலிங்கேஸ்வரர் கோயிலில் வழிபாடு செய்ய அனுமதித்தது. இந்த இடைக்கால உத்தரவு அமுலில் உள்ளதால் கடந்த ஆண்டு சிவராத்திரியை பக்தர்கள் அமைதியாக கொண்டாடினர்.

புதிய வழக்கு எண்.B 486/2024, 15A, 15B, 15C மற்றும் 15D பழங்காலச் சட்டத்தின் விதிகள், நீதிமன்றத்திற்கு முன் தேவையான ஆவணங்கள் அல்லது ஆதாரங்களை வழங்காமல் கொண்டு வரப்பட்டது.

இதனால் நீதவான், தன்னால் அவர்களுக்கு பிணை வழங்க இயலாது என்று கருதினார். அதன்படி இந்த வழிபாட்டாளர்களை 19 ஆம் திகதி வரை விளக்கமறியலில் வைத்தார். வழக்கு எண்.பி 486/2024 வழக்கு எண். பி 540/2023 இல் தற்போதுள்ள இடைக்கால உத்தரவைக் கருத்தில் கொண்டு பொலிஸார் வழக்கை வாபஸ் பெறாவிட்டால்,நீதவான் இந்த அப்பாவி வழிபாட்டாளர்களை 19 ஆம் திகதி மீண்டும் காவலில் வைப்பார்கள் என்ற நிலையே இருந்தது.

இந்த நிலையில்,வழக்கு நேற்றைய தினம் நீதிமன்றில் மீண்டும் எடுத்துக்கொள்ளப்பட்ட போது மேற்படி 8 பேரையும் வழக்கிலிருந்து விடுதலை செய்த நீதிபதி வழக்கையும் தள்ளுபடிசெய்தார்.

இந்த வழக்கில் ஆலய நிர்வாகம் சார்பாக சிரேஸ்ட சட்டத்தரணிகளான என்.சிறிகாந்தா,அன்ரன் புனிதநாயகம்,திருஅருள்,க.சுகாஸ், தலைமையில் பல சட்டத்தரணிகள் முன்னிலையாகியிருந்தனர்.