நல்லிணக்கத்தை கட்டியெழுப்ப வாருங்கள்; புலம்பெயர் தமிழ் மக்களிடம் ஹேமரத்தன தேரர் கோரிக்கை
நாட்டில் நல்லிணக்கத்தை கட்டியெழுப்பும் வேலைத்திட்டத்தை வெற்றியடையச் செய்வதற்கு புலம்பெயர் தமிழ் மக்களும், அமைதி மற்றும் நல்லிணக்கத்தை மதிக்கும் மக்களும் தம்முடன் கலந்துரையாடலுக்கு வருமாறு வணக்கத்துக்குரிய பல்லேகம ஹேமரத்தன தேரர் வேண்டுகோள் விடுத்துள்ளார்.
கனடாவில் வாழும் புலம்பெயர் தமிழர்களின் முக்கிய செயற்பாட்டாளர்களில் ஒருவரான றோய் சமாதானம் ஹேமரத்தன தேரரைச் சந்தித்த போது இதனைத் தெரிவித்தார்.
கலந்துரையாடலுக்கு வரும் அனைவருக்கும் சகல வசதிகளையும் செய்து தருவதாகவும் புலம்பெயர் தேரர் குறிப்பிட்டுள்ளார்.
நாட்டை நேசிக்கும் குடிமக்களின் உரிமைகளை பாதுகாக்க அரசியல் தலையீடு இன்றி பங்களிப்பதாகவும் அவர் கூறியுள்ளார்.
இலங்கையின் மகாசங்கரத்தினம் மன்னரின் ஆட்சிக் காலம் முதல் தேசிய நல்லிணக்கத்தைக் கட்டியெழுப்பும் நோக்கில் பாடுபட்டுள்ளதாகவும், தேசங்கள் மற்றும் ஏனைய மதங்களின் உரிமைகளுக்காக எப்போதும் தன்னை அர்ப்பணித்துள்ளதாகவும் அவர் சுட்டிக்காட்டியுள்ளார்.
இதனிடையே, நாட்டில் இடம்பெற்ற யுத்த மோதல்களின் போது பலர் நாட்டை விட்டு வெளியேறினர்.
இந்நிலையில், அவர்களுக்கிடையில் நல்லிணக்கத்தை ஏற்படுத்தி மீண்டும் அவ்வாறான மோதல்கள் ஏற்படாதவாறு தேவையான சூழலை உருவாக்குமாறு புலம்பெயர் தமிழர்களின் பிரதம செயற்பாட்டாளர் றோய் சமதானம் தேரரிடம் தெரிவித்துள்ளார்.
இந்த கலந்துரையாடலில் நீதி, சிறைச்சாலை விவகாரங்கள் மற்றும் அரசியலமைப்பு மறுசீரமைப்பு அமைச்சர் கலாநிதி விஜயதாச ராஜபக்ஷவும் கலந்துகொண்டார்.
