வட,கிழக்கில் சிங்கள பௌத்தத்துக்கு ஆபத்து; மோசமான விளைவுகள் ஏற்படலாமென்கிறது அஸ்கிரி பீடம்

தற்போதைய அரசாங்கம் ஆளுநர்களை நியமிக்கும் போதும் சிங்கள பௌத்த மக்களுக்கு பாதகமான முறையில் செயற்படுவதை காண முடிவதாகவும் வட கிழக்கில் சிங்கள பௌத்த மக்களுக்கு எதிராக செயற்படுவோருக்கு எதிராக கடுமையான சட்டத்தை அமுல்படுத்த வேண்டுமெனவும் அஸ்கிரி பீடத்தின் பிரதிப் பதிவாளர் நாரம்பனாவே ஆனந்த தேரர் தெரிவித்துள்ளார்.

வடக்கு கிழக்கில் உள்ள புனித ஸ்தலங்களுக்கு எதிராக இனவாத தமிழ் அரசியல்வாதிகள் மற்றும் தீவிரவாத அமைப்புக்கள் ஆர்ப்பாட்டத்தில் ஈடுபட்டுள்ளதாகவும் இது இன மோதலை உருவாக்கும் திட்டமிட்ட செயலாகும் எனவும் அவர் சுட்டிக்காட்டியுள்ளார்.

அண்மைக்காலமாக வடக்கு மற்றும் கிழக்கில் உள்ள பௌத்த விகாரைகள் மற்றும் தொல்பொருள் இடங்கள் தொடர்பில் கடுமையான ஆட்சேபனைகள் காணப்படுவதை காணமுடிகிறது. இனவாத வெறி பிடித்த சில அரசியல்வாதிகளும் அந்த தீவிரவாத அமைப்புகளும் நாட்டில் இனவாத, மதவாத நெருக்கடியை ஏற்படுத்த வேண்டும் என்ற நோக்கில் மிகவும் திட்டமிட்டு இந்த இடங்களில் போராட்டங்களை நடத்தி வருவதாக பலத்த சந்தேகம் எழுந்துள்ளது.

270 வருடங்களுக்கு முன்னர் இந்த இலங்கைப் பெருமக்கள் சந்தித்த வரலாற்றுச் சிறப்புமிக்க திருகோணமலையில் பல தேரர்கள் மற்றும் பௌத்த தூதுக்குழுவொன்று வந்திறங்கியதே அண்மைய சம்பவம்.

இந்த தமிழ் இனவாத அமைப்புகளுடன் சில பல்கலைக்கழக மாணவர் குழுக்கள் இந்த இடத்திற்கு வந்து கடுமையான எதிர்ப்பை முன்வைத்திருந்தன. இந்த நிலைமையைக் கட்டுப்படுத்த அரசாங்கம் செயல்படவில்லை என்றால், நாட்டில் ஒரு தீவிரமான மத மற்றும் பிற தேசிய நெருக்கடியை உருவாக்குவதைத் தடுக்க வழி இல்லை எனவும் குறிப்பிட்டுள்ளார்.

தற்போதைய அரசாங்கத்தில் உள்ள எவரும் இவ்விடயம் தொடர்பில் பேசுவதில்லை, தற்போதைய அரசாங்கம் ஆளுநர்களை நியமிக்கும் போதும் சிங்கள பௌத்த மக்களுக்கு பாதகமான முறையில் செயற்படுவதை நாம் காணமுடிகிறது.

எனவே, வடக்கு – கிழக்கின் பௌத்த பாரம்பரியம் பாதுகாக்கப்பட வேண்டும். அத்துடன், நாடு முழுவதிலும் உள்ள பௌத்தர்களுக்கு மட்டுமன்றி, சமய ரீதியாக அனைவரும் ஒன்றிணைந்து செயற்படுவதற்கு, இவ்வாறான தீவிரவாத அமைப்புகளையும், அடிப்படைவாத மதக் குழுக்களையும் ஒடுக்கி, சட்டத்தை கடுமையாக அமுல்படுத்த வேண்டும் என்பதை அரசாங்கத்திற்கு வன்மையாக நினைவூட்ட விரும்புகின்றோம்.

இந்தப் பின்னணியில் இந்நாட்டு சிங்கள பௌத்த மக்கள் இதற்கு எதிராக ஒருங்கிணைக்கப்பட்டு நிற்கின்றனர். அப்படியொரு நாளில் ஏற்படும் நெருக்கடி தொடர்பாக ஏதேனும் பிரச்சினை ஏற்பட்டால், அதற்கு தற்போதைய அரசாங்கமே பொறுப்பேற்க வேண்டும் எனவும் தெரிவித்துள்ளார்.