நேற்று மட்டும் ஐந்து பாரிய மண்சரிவுகள்; பலர் பலி;பலரைக் காணவில்லை

நேற்று மட்டும் ஐந்து பாரிய மண்சரிவுகள்; பலர் பலி;பலரைக் காணவில்லை

நாட்டில் நிலவும் மழையுடன் கூடிய காலநிலை குறைவடைந்தாலும் மண்சரிவு அனர்த்த நிலைமைகள் தொடர்ந்தவன்னமுள்ளன.

நேற்று சனிக்கிழமை மாத்திரம் பெருமளவு உயிரிழப்புகளை ஏற்படுத்திய 5 பாரிய மண்சரிவு சம்பவங்கள் பதிவாகியுள்ளதுடன், இதில் சிக்கி பலர் காணாமல் போயுள்ளனர்.

குறிப்பாக குருநாகல் மாவட்டத்தில் 3 இடங்களில் இடம்பெற்ற மண்சரிவுகளில் 9 பேர் உயிரிழந்துள்ளதுடன் 24 பேர் காணாமல் போயுள்ளனர்.

இந்த மாவட்டத்தின் இதுல்கொட கந்த பகுதியில் இடம்பெற்ற மண்சரிவில் 5 பேர் உயிரிழந்துள்ளதுடன் 7 பேர் காணாமல் போயுள்ளனர். ஒமாராகொல்ல பகுதியில் இடம்பெற்ற மண்சரிவில் 4 பேர் உயிரிழந்துள்ளதுடன் 9 பேர் காணாமல் போயுள்ளனர். அத்துடன் அரகமன்கந்த பகுதியில் இடம்பெற்ற மண்சரிவில் 8 பேர் காணாமல் போயுள்ளனர்.

இதேவேளை கேகாலை மாவட்டத்தின் வரகாபொல துல்கிரிய பகுதியில் மொன்ரொவியா தோட்டப் பகுதியில் இடம்பெற்ற மண்சரிவில் 21 பேர் காணாமல் போயுள்ளனர்.

அத்துடன் கொத்மலை, இறம்பொட பகுதியில் ஏற்பட்ட மண்சரிவில் 15 பேர் உயிரிழந்துள்ளனர்.

மேலும் பல இடங்களில் மண்சரிவு அனர்த்தங்கள் இடம்பெற்றுள்ளதாகவும், மீட்புக்குழுக்கள் வருவதில் தாமதங்கள் ஏற்பட்டுள்ளதாகவும் சமூக வலைத்தளங்களில் செய்திகள் வெளியாகிய போதும், சம்பந்தப்பட்ட அதிகாரிகளையோ, பிரதேசவாசிகளையோ தொடர்புகொள்ள முயற்சித்த போதும் குறிப்பிட்ட பிரதேசங்களில் தொலைத்தொடர்புகள் செயலிழந்திருந்தமையினால் அந்தத் தகவல்களை உறுதிப்படுத்த முடியாமல் இருந்தது.

CATEGORIES
Share This

COMMENTS

Wordpress (0)
Disqus ( )