இலங்கை வருமாறு நடிகர் ரஜினிகாந்திற்கு அழைப்பு

இலங்கையில் சுற்றுலாவை மேம்படுத்த நடிகர் ரஜினிகாந்தின் உதவியை இலங்கை நாடியுள்ளது. அத்துடன், இலங்கை வருமாறும் ரஜினிகாந்திற்கு அழைப்பு விடுக்கப்பட்டுள்ளது.

‘சூப்பர் ஸ்டார்’ ரஜினிகாந்தை இலங்கைக்கான சென்னை துணை உயர் ஸ்தானிகர் டாக்டர் டி. வெங்கடேஷ்வரன் இந்த வாரம் அவரது இல்லத்தில் சந்தித்து இந்த அழைப்பை விடுத்ததாக இலங்கை வெளியுறவு அமைச்சு நேற்று தெரிவித்துள்ளது.

ரஜினிகாந்தின் இலங்கை பயணம் சுற்றுலா மற்றும் ஆன்மீக சுற்றுலாவை மேம்படுத்தும் என்று கூறிய இலங்கை உயர்ஸதானிகர், இலங்கை வருமாறு அவரை தனிப்பட்ட முறையில் அழைத்தார் எனவும் வெளியுறவு அமைச்சு கூறியுள்ளது.