இலங்கைக்கு மனிதாபிமான உதவிகளை ஏற்றிக் கொண்டு இந்திய வான் வழியால் இலங்கை வர பாகிஸ்தான் விமானத்திற்கு சிக்கல்?

இலங்கைக்கு மனிதாபிமான உதவிகளை ஏற்றிச் செல்லும் பாகிஸ்தான் விமானத்திற்கு அனுமதி வழங்கப்பட்டதாக இந்தியா முன்னர் கூறியிருந்த போதிலும், போதுமான அளவு விமான அனுமதி இல்லாததால் தனது நிவாரண விமானம் நிறுத்தப்பட்டிருப்பதாக பாகிஸ்தான் கூறியுள்ளது.

வழங்கப்பட்ட அனுமதி விமானம் கொழும்புக்கான சுற்றுப் பயணத்தை முடிக்க போதுமான நேரத்தை வழங்காததால் விமானம் புறப்பட முடியவில்லை என்று கொழும்பில் உள்ள பாகிஸ்தான் உயர் ஸ்தானிகராலயம் ஒரு அறிக்கையில் தெரிவித்துள்ளது.

அந்த அறிக்கையின்படி, பாகிஸ்தான் பிரதமரின் சிறப்பு உத்தரவுகளின் பேரில் பாகிஸ்தானின் நிவாரண நடவடிக்கை தொடங்கப்பட்டது, அவர் இலங்கைக்கு தேவைப்படும் நேரத்தில் தேசிய வளங்களை உடனடியாகத் திரட்ட உத்தரவிட்டார். நவம்பர் 29 முதல், கொழும்பில் உள்ள உயர் ஸ்தானிகராலயத்தால் வசதியளிக்கப்பட்ட பாகிஸ்தான் ஆயுதப்படைகள் மற்றும் தேசிய பேரிடர் மேலாண்மை ஆணையம் (NDMA) இலங்கையில் விரிவான நிவாரண முயற்சிகளை மேற்கொள்ளத் தயாராக உள்ளன.

இருப்பினும், முழுமையாக பொருத்தப்பட்ட நகர்ப்புற தேடல் மற்றும் மீட்பு (USAR) குழு, கள மருத்துவமனைகள், பயிற்சி பெற்ற மோப்ப நாய்கள் மற்றும் சுமார் 200 தொன் உயிர்காக்கும் பொருட்களைக் கொண்ட சி-130 விமானம் உட்பட அதன் அவசர நிவாரணப் பணி இஸ்லாமாபாத்தில் உள்ள நூர்கான் விமானத் தளத்தில் இரண்டு நாட்களுக்கும் மேலாக நிறுத்தப்பட்டிருப்பதாக பாகிஸ்தான் கூறுகிறது. விமான அனுமதி வழங்குவதில் இந்தியா தாமதப்படுத்தும் தந்திரோபாயங்களைப் பயன்படுத்துவதாக அந்த அறிக்கை குற்றம் சாட்டுகிறது.

டிசம்பர் 1 ஆம் திகதி மாலை 6 மணிக்கு, இந்தியா ஒரு நாள் இராஜதந்திர அனுமதியை வழங்கியதாகக் கூறப்படுகிறது, இது சுமார் ஆறு மணி நேரம் மட்டுமே செல்லுபடியாகும், இது, விமானம் கொழும்புக்கு பறந்து வந்து திரும்பி வரப் போதுமானதாக இல்லை என்று பாகிஸ்தான் கூறுகிறது. ஏற்கனவே தேவையான ஆவணங்களைப் பெற்றிருந்தாலும், விமானத் திட்டங்களை மீண்டும் சமர்ப்பிக்கவும், வழித்தடத்தை மாற்றவும் இந்திய அதிகாரிகள் பலமுறை கோரியதாக பாகிஸ்தான் அதிகாரிகள் மேலும் கூறுகின்றனர்.

“இந்த நடைமுறை தடைகள் மேலும் தாமதங்களை ஏற்படுத்துகின்றன, பேரழிவால் பாதிக்கப்பட்ட அண்டை நாட்டிற்கு சரியான நேரத்தில் நிவாரணம் வழங்குவதைக் குறைக்கின்றன” என்று அந்த அறிக்கையில் குறிப்பிடப்பட்டுள்ளது.

இந்தியாவின் நடவடிக்கைகள் நிறுவப்பட்ட மனிதாபிமான விதிமுறைகள், ஐ.நா. வழிகாட்டுதல் கொள்கைகள் மற்றும் சார்க் மனிதாபிமான சாசனக் கொள்கைகளை புறக்கணிப்பதாக உயர் ஸ்தானிகராலயம் குற்றம் சாட்டியது, இந்த நடத்தை “கடுமையானது” மற்றும் “அரசியல் ரீதியாக உந்துதல்” என்று கூறியது.

இலங்கை கடல் பகுதியில் ஏற்கனவே உள்ள ஒரு பாகிஸ்தான் கடற்படைக் கப்பல் உள்ளூர் அதிகாரிகளுடன் ஒருங்கிணைந்து நிவாரண நடவடிக்கைகளில் தீவிரமாக ஈடுபட்டுள்ளது.

நிவாரணப் பொருட்களுடன் பல விமானங்களை அனுப்ப உள்ளதாக பாகிஸ்தான் தெரிவித்துள்ளது. மேலும், இந்த பணியை அரசியல்மயமாக்காமல் உடனடி மற்றும் நடைமுறை வான்வெளி அணுகலை வழங்குவதன் மூலம் இந்தியா “பொறுப்பான மற்றும் மனிதாபிமான அணுகுமுறையை” ஏற்றுக்கொள்ளும் என்று நம்பிக்கை தெரிவித்துள்ளது.